Bromheksine

Mukolitik bronkial

Përbërja :
1 ml shurup përmban :Lëndë aktive : 0.8 mg bromeksinë klorhidrat (  shurup 0.08%; 4 mg/5 ml ).
Lëndë joaktive :Acid tartrik,acid benzoik, glicerinë, alkool 96%, sorbitol 70%, esencë, sheqer, ujë i pastruar aq sa duhet.
1 tabletë përmban : Lëndë aktive :8 mg bromeksinë klorhidrat.
Lëndë joaktive :Laktozë, celulozë mikrokristalinë, stearat magnezi.

Veprimet
Bromheksina është një bar mukolitik që përdoret për mjekimin e çrregullimeve të frymëmarrjes të shoqëruar me mukus viskoz ose të tepërt; ajo ndihmon në jashtëqitjen e sekrecioneve rakeobronkiale dhe në uljen e viskozitetit të këtyre sekrecioneve, çka shpije në përmirësimin e frymëmarrjes.

Farmakokinetika
Bromheksina përthithet shpejt nga aparati tretës dhe rreth 85 deri në 90% të dozës jashtëqitet përmes urinës, kryesisht në trajtë metabolitësh.
Ambroksoli është një metabolit i bromheksinës.
Bromheksina lidhet fort me proteinat plazmatike.
Përdorimi nga goja i klorhidratit të bromheksinës në subjekte të shëndetshme jep një përqëndrim plazmatik maksimal pas 1 ore.
Vetëm një pjesë e vogël e lëndës jashtëqitet e pandryshuar përmes urinës me një gjysmëjetë prej rreth 6.5 orësh.

lndikimet

Për lëngëzimin e sekrecioneve të mukozave të frymëmarrjes, në rastet e sëmundjeve bronkopulmonare akute e kronike, si: bronkit, emfizemë, trakeobronkit dhe bronkit astmatik kronik;
për parandalimin e ndërlikimeve të frymëmarrjes, pas ndërhyrjeve kirurgjike në krahëror;
për të shpejtuar ekspektorimin e lëndëve të huaja endobronkiale ( mjete kontrasti të radiologjisë ).
Gjatë përkeqësimit të bronkitit akut shurupi duhet përdorur me një antibiotik të përshtatshëm.

Kundërindikimet
Mbindjeshmëri ndaj bromheksinës; ulçer gastroduodenale aktive;  çrregullime të rënda të funksionit të mëlçisë.

Përkujdesjet
Bromheksina duhet përdorur me kujdes të veçantë në tuberkulozin aktiv.
Këshillohet që bari të mos përdoret në tremujorin e parë të shtatzënisë.
Përdorimi i bromheksinës, në disa raste, mund të shkaktojë një rritje të vëllimit të sekrecioneve bronkiale të lëngëzuara dhe këto nuk jashtëqiten me kollitje, kështu që parapëlqehet që i sëmuri të intubohet, me qëllim që të mbahen të lira rrugët e frymëmarrjes.

Efektet e padëshirueshme
Bromheksina, në përgjithësi, tolerohet mirë.
Në personat e ndjeshëm mund të shfaqen çrregullime gastrointestinale, të cilat në përgjithësi janë të lehta.
Në disa raste është konstatuar nië rritje e vlerave të aminotransferazës në serum.

Ndërveprimet
Bromeheksina nuk duhet përdorur bashkë me barnat kundër kollës ose me barnat që ushtrojnë veprim të ngjashëm me atropinën.

Dozimi
Shurupi :
Fëmijët : Deri në 1 vjeç, 2.5 mL ( 1/2 lugë kafeje ), 2 herë në ditë;
Fëmijët :1-5 vjeç: 5 mL ( 1 lugë kafeje ), 2 herë në ditë;
Fëmijët :6-12 vjeç: 5 mL ( 1 lugë kafeje ), 4 herë në ditë.
Fëmijët mbi 12 vjeç dhe të rriturit: 10- 15 mL ( 2- 3 lugë kafeje ), 4 herë në ditë.
Për të rriturit, në fillim të mjekimit, mund të lindë nevoja e rritjes së dozës së përgjithshme ditore deri në 4 lugë gjelle shurup   (60 mL: 48 mg ).
Tableta :
Të rriturit: 8-16  mg 3 herë në ditë.
Tek fëmijët mbi 10 vjeç: 4 8 mg 3 herë në ditë.

Ruajtja
Shurupi i bromheksinës ruhet në temperaturën e mjedisit dhe në vende të thata e pa dritë.
Bari duhet mbajtur larg fëmijëve.

Ambalazhi
Shurupi:Shishe qelqi me 100 mL shurup, të futura në kuti kartoni.
Tabletat: kuti x 20 tableta ( 2 blistera me nga 10 tableta ).                                       PROFARMA